兵行险着！坦哈格派新丁踢生死战

xcy232323

本周中欧霸盃曼联作客费伦巴治，坦哈格火并「寸王」摩连奴吸引唔少花生客，有分析认为今场系坦帅嘅「生死战」，据报坦哈格打算兵行险着，带埋今季未上过阵嘅17岁小将哈利阿马斯随队，仲好大机会获派上阵。
虽然坦哈格教曼联好坏参半，但佢带年轻小将系有一手，中场明奈就系由佢提拔上一队；至於今次呢件「秘密武器」哈利阿马斯，在青年队司职左闸，季前热身赛已经有随队及上阵，不过坦帅当时认为佢身体抗仲未够，所以今季未用过。
据报哈利阿马斯在青年队被誉为「新劳基梳尔」，今季曼联左闸位置几位主力都受伤，多场赛事要搵达洛治客串，上场联赛赢宾福特就搵咗利辛度马天尼利踢左闸，坦哈格决定今场对费伦巴治试用哈利阿马利，到时不妨留意呢位天才左闸嘅演出。