罗拔佬下一站上舰？但皇马首选另有其人

xcy232323

       

        应届世界足球先生罗拔利云度夫斯基，同拜仁慕尼黑嘅合约只系剩番18个月，盛传佢冇计划同球队续约。据西班牙传媒报导，「罗拔佬」正计划本年夏天就转投「银河舰队」！不过襄王有梦，神女唔知有冇心呢？
        本年33岁嘅利云度夫斯基，喺拜仁呢几年乜都赢过晒，7次德甲冠军、3次德国盃冠军、5次德甲神射手，本年仲愈加衞冕世界足球先生，直头攞奖攞到手软。至於佢将来嘅去向系点？据西班牙传媒报导，「罗拔佬」正计划本年夏天就转投皇家马德里。
        呢位波兰神锋，同拜仁慕尼黑嘅合约只系剩番18个月，据闻佢已经拒绝同球队续约，极之希望转投「银河舰队」。不过据闻皇马首选收购系艾宁夏兰特，并计划发动7,500万欧元买断条款从多蒙特罗致番嚟，假如事败先会考虑「罗拔佬」，就睇下今个夏天呢个转会市场会有咩搞作。