冷如冰！艾达臣虾碌镜头变神表演

xcy232323

       

        曼城同利物浦嘅「天王山之战」非常精彩，两队高水平表现令人叹为观止，除咗奇云迪布尼神乎奇技嘅演出外，曼城门将艾达臣摩拉斯亦炮制「疯狂」一幕，原本几乎摆乌龙嘅虾碌镜头，居然变成佢嘅表演舞台，冷静嘅处理更获各方大赞。
        神奇一幕出现喺23分钟，当然两队踢成1比1，艾达臣摩拉斯接应队友回传，准备传出嗰阵竟误判个波嘅去势而「踢唔到」，睇住个波慢慢碌入龙门，而利物浦前锋迪亚高祖达亦全速扑上嚟，不过艾达臣就不慌不忙咁睇定形势，最後喺迪亚高祖达赶到半秒前，贴住白界线咁将个波成功传出，化险为夷。
        虽然成件事系由艾达臣摩拉斯而起，但呢位巴西门将嘅冷静处理，赛後就获得大赞，加历查表示：「你以为艾达臣会恐慌？冇咁嘅事！」加利尼维利就话：「艾达臣超级冷静，我就几乎心脏病发。」