坦哈格向曼联高层提出：唔想再见到C朗！

xcy232323

       

        英国《ESPN》报道，C朗接受皮尔斯摩根专访内容曝光後，曼联高层与领队坦哈格紧急开会，会上坦哈格提出「唔想再见到C朗」，两人关系正式决裂，C朗解约已成定局。
        C朗专访内容对曼联极具攻击性，其中一句更系冲住坦哈格而来，当中意思系「我唔会尊重坦哈格，因为坦哈格唔尊重我」，作风强硬嘅坦哈格当然唔会退缩，实行同C朗对着干，当住高层面要踢走佢。
        曼联近日紧急召开高层会议，出席者包括班主祖尔格拉沙、行政总裁李察阿诺特、足球总监梅托等人，会上坦哈格强硬回应C朗言论，表示「唔想再见到C朗」，此言一出，曼联高层只有两个选择，一系炒咗坦哈格，一系同C朗解约。
        相信曼联高层都识拣，就系拣坦哈格而放弃C朗。现时坦哈格对球队改革开始见到成效，球队上场绝杀富咸後排第5，保持争前4机会，落後榜首阿仙奴11分，唔算太远；至於C朗今季状态大跌，踢毕今季完约，即时解约系最佳解决方法，就算唔再派佢上阵都只系白出半季粮，损失有限。