车路士斟安仔最後一击 希望冬窗搞掂

xcy232323

       

        车路士今个冬窗已经签咗好多人，但仲未够，佢哋最想签嘅系阿根廷世盃冠军成员安素费南迪斯，已向宾菲加报价1.2亿欧元，希望喺冬窗关闭前完成交易。
        葡萄牙传媒报道，车路士最想签嘅就系「安仔」，但事情一直拖拖拉拉，该位世盃最佳年轻球员得主为求离开宾菲加，早前一度罢赛罢操，不过宾菲加希望该22岁中场留队完成今个球季，协助球队争夺联赛及冲击欧联後先放人。
        报道指，车路士已派出团队飞赴里斯本，同宾菲加高层直接对话，佢哋希望宾菲加会长雷哥斯达接受蓝战士开出嘅1.2亿欧元报价，时间无多，相信好快有结果。