曼联10日定4线命运 坦哈格：准备4月冲冠！

xcy232323

       

        曼联今季喺坦哈格领导下重拾霸气，周日(19日)英超3比0大胜李斯特城後，依家只系落後榜首阿仙奴5分，有望争夺「後费Sir年代」首个英超冠军。除此之外，曼联目前仍喺英联盃、英足盃同欧霸盃作战，佢哋嚟紧就要喺10日内4线出击，坦哈格亦放风话：准备4月尾冲击冠军！
        曼联依家仲有机会挑战「4冠王」，佢哋周四(23日)凌晨对巴塞隆拿开始，10日内喺4条战线连环出击，踢完对巴塞隆拿嘅欧霸附加赛後，下周一(27日)凌晨英联盃决赛大战纽卡素，3日後再喺英足盃16强迎战韦斯咸，3月6日回归英超即作客利物浦演「双红会」，如果过到呢4关，捧盃梦就行前一大步。
        坦哈格喺赢韦斯咸後被问争标机会，佢话：「我哋唔谂(争冠)住，集中精神备战下一场波，努力提升自己实力，依家只系2月，唔需要睇太长远，下一场永远就系最重要嘅比赛。我哋要做嘅系，当球季进入4月尾嗰阵，我哋要令自己身处一个争冠嘅位置。」
        曼联未来4场赛事
        2月24日 欧霸盃 主 Vs 巴塞隆拿
        2月27日 英联盃 中 Vs 纽卡素
        3月2日 英足盃 主 Vs 韦斯咸
        3月6日 英超 客 Vs 利物浦