慕逊加柏宣布杜林免费离队 8豪门争抢

xcy232323

       

        德甲球队慕逊加柏证实，法国国脚翼锋马古斯杜林续约谈判正式失败，呢位25岁球星会喺夏天以自由身转会，据报已有8间欧洲豪门对佢表示兴趣，真系皇帝女唔忧嫁。
        慕逊加柏总监维古斯周二(21日)接受《sport 1》访问表示：「我哋已决定畀马古斯杜林离队，免费转会唔系一件好事，我唔能够掩饰呢个事实，但要接受佢想去其他更大球会。」
        马古斯杜林今季喺德甲已入11球，亦系法国喺世界盃拎亚军成员之一，慕逊加柏本来想喺1月转会窗将佢卖走，但最终未能成事。
        据《90min》网站报道，曼联、阿仙奴、热刺、纽卡素同车路士5间英超豪门都想打佢主意，拜仁慕尼黑、祖云达斯同国际米兰亦密切注意事态发展，今个夏天将掀起争夺战。