手执3分唔使急 英格兰U21睇定食吼半和

xcy232323

       

        U21欧国盃C组，英格兰U21扑击以色列U21。「小三狮」首轮击败捷克，手执3分睇定嚟食，佢哋近期都系先求稳阵，近5仗4次开半场和；以色列上仗赛和德国有惊喜演出，半和有计。（Now 630周一凌晨零时直播）
        英格兰贵为争标热门之一，首轮亦有个好开始，凭两位中场积及蓝斯同伊美路维下半场各建一功，以2比0轻取捷克U21，全取3分，加上同组德国U21首轮只能同以色列U21打和1比1，英格兰暂时排榜首，如果今场砌低以色列，就可以喺第3轮火并德国之前确定出线，相信半场会以试探为主，等下半场发力一举全取3分。
        睇番英格兰上仗表现相当平稳，领队卡斯利排出4-2-2-2阵式，前场逼抢效果显着，全场控球率高达71％，相信今仗对以色列同样稳中求胜。而且「小三狮」近期锺意谋定後动，近5仗4次开半场和，包括今年初大胜另一劲旅法国4比0，半场都系0比0。
        以色列近年青训做得唔错，早前喺U20世盃打入4强，今次轮到一班师兄喺U21欧国盃上阵，佢哋表现绝不失礼，首轮火并衞冕嘅德国，半场同对手踢成1比1，虽然之後有１人被逐，但最终都可以守到完场，踢法相当硬净。今晚上半场有气有力下，要顶住「小三狮」唔系难事，一於再追半和。