曼联转斟贺积查治 又系「坦哈格帮」

xcy232323

       

        曼联希望喺夏天转会窗完结前买中场，可惜收购苏夫恩岩拉伯特计划陷入僵局，据英国《每日电讯报》爆料，曼联有意改斟热刺中场贺积查治，原来呢位丹麦国脚亦曾经跟过坦哈格搵食，有望继续加强「坦哈格帮」实力。
        28岁嘅贺积查治，今季喺热刺失去正选位置，早前热刺就曾接纳马德里体育会3,000万镑(约2.97亿港元)收购，只系个人条件倾唔掂先留队，《每日电讯报》指曼联计划转斟呢位丹麦国脚，相信交易难度较低，可望喺转会窗完结前搞掂。
        贺积查治10年前效力拜仁慕尼黑B队嗰阵，球队教练正正就系坦哈格，不过，唔少曼联迷对呢单交易有所质疑，认为贺积查治并唔系想要嘅「一线」目标，对坦哈格再一次搵自己旧部表示怀疑：「又系坦哈格旧部？」、「求下你唔好再搞坦哈格帮」、「够啦！唔好再买旧部啦」。