美斯真正接班人 大仔加盟国际迈亚密

xcy232323

       

        阿根廷「球王」美斯登陆北美後继续绽放光芒，一家人喺美国嘅生活亦相当如意，据报国际迈亚密已成功签入美斯「真?接班人」，美斯10岁大仔堤亚高已正式进军球坛，加入国际迈亚密U12青年军。
        36岁嘅美斯有3个仔，一直跟住老窦喺西班牙、法国同美国生活，大仔堤亚高之前曾经喺巴塞隆拿、巴黎圣日耳门少年队接受非正式训练，不过11月就11岁生日嘅佢，近日就出现喺国际迈亚密U12嘅球员名单，似乎想低调展开佢嘅足球之路。
        国际迈亚密日前公布35个新加入嘅青年军球员，堤亚高就系其中之一，不过佢踢咩位置仍有待观察，堤亚高过去曾经表示想做龙门，指巴塞门将达史特根系佢嘅模范，但上月底有片段流出堤亚高为国际迈亚密U12练波，当时佢并唔系着龙门衫。