曼联火速借用利古朗 合约有「退货」条款

xcy232323

       


        欧联主要联赛嘅夏天转会窗喺周六(2日)凌晨结束，各大豪门都准备最後冲刺，英超劲旅曼联亦加紧行动，周五(1日)极速斟掂热刺左闸利古朗，呢位西班牙球星已喺奥脱福完成体测，将会直接取代因伤要抖10星期嘅劳基梳尔。
        由於劳基梳尔嘅伤势比预期严重，原本估计要抖6个星期，最新消息指佢面临10星期休养，令领队坦哈格急需物色替补。曼联原本首要目标系古古列拿，但车路士索取500万镑(约5,000万港元)被嫌太贵，最终闪电倾掂借用利古朗，曼联喺今次借用唔使畀任何借用费，亦冇包含买断条款，只要负责利古朗今季人工就可以，令交易火速落实。
        26岁嘅利古朗3年前加盟热刺，不过表现未能令人满意，上季被热刺外借去马德里体育会，但发展同样差劲，全季只系踢咗11场联赛。据报曼联今次借用利古朗1季，但合约中有「退货」条款，曼联有权喺明年1月提前终止借用，似乎对呢位左闸嘅前景都有保留。