迪基亚冇人吼 自贴练波片想搲捞？

xcy232323

       

        西班牙门神迪基亚今夏约满曼联後，至今仍然未有班落，呢位32岁球星就决定主动出击，周四(31日)喺社交网分享练波影片，留言自我鼓励：「努力练习，推动自己」，似乎系想提醒各位老细，想搵龙门可以搵佢！
        迪基亚喺片段入面着住NBA球星杜兰特件雷霆波衫，非常认真咁做各式各样龙门训练，显示自己状态良好，前曼联队友般奴费南迪斯亦留言支持：「做得好呀Kevin(杜兰特个名)！」前西班牙国家队队友马高斯阿朗素就留言：「加油呀！兄弟！」
        迪基亚之前有唔少转会传闻，不过皇家马德里最终拣咗阿列沙巴拿加、拜仁慕尼黑、车路士等传闻亦系无疾而终。虽然转会窗喺9月1日结束，不过迪基亚系自由身，转会窗後仍然可以同球会签约。