有名无利？韦斯咸欧协联奖金系「零」

xcy232323

       

        韦斯咸今季英超成绩差劲，不过喺欧协联就过关斩将杀入4强，准决赛首回合更领先阿尔克马尔2比1，距离决赛只差1步。虽然被视为欧协联冠军大热，不过英国《每日邮报》爆料，韦斯咸球员合约内并冇任何欧协联冠军奖金条款，争冠军有名无利！
        英超球员嘅合约，惯例上都有各项赛事奖金条款，好似曼城如果赢欧联冠军，奇云迪布尼就会得到100万镑(约981万港元)奖金，不过由於欧协联只系2021年新成立赛事，所以包括迪格兰赖斯等旧将嘅合约，都冇相关奖金条款，连今季新加盟嘅卢卡斯柏基达等，合约同样冇讲欧协联奖金。
        虽然冇合约规定，不过如果韦斯咸成功捧盃，相信老板都会识做，李斯特城喺15/16球季奇迹赢英超冠军，当时球员合约都冇赢英超嘅「多余」条款，但球会最後都发放200万镑(约1960万港元)奖金，并且每人获赠一部名车。韦斯咸若赢得欧协联冠军，将会得到440万镑(约4320万港元)冠军奖金。