保罗普巴首踢正选即伤 爆喊离场

xcy232323

       

        祖云达斯周日(15日)凌晨主场迎战克雷莫纳，法国中场保罗普巴今季首度正选上阵，可惜佢只系顶咗24分钟就受伤，佢离场嗰阵失望爆喊，好可能会缺席周五(19日)凌晨欧霸盃4强次回合大战，祖云达斯呢场最终赢2比0。
        保罗普巴对上一次踢正选，系390日前代表曼联出赛，上年夏天重返祖记後一直养伤，复出後亦只系9次後备登场，上周欧霸盃对西维尔佢入替後表现突出，今场终於获派正选，但佢踢咗20分钟多啲就受伤，据报系左脚股四头肌拉伤，经军医治疗後唔能够继续比赛，保罗普巴离场嗰阵亦流下男儿泪。
        祖记最终由法基奥利同基尔臣比尔马下半场各建一功，主场赢2比0，继续排喺联赛榜第2位。对於保罗普巴伤势，祖记教练阿里基赛後表示：「我哋都好失望，尤其佢近期做得好好，佢为复出做咗好多牺牲，依家再伤令人伤感。保罗普巴系坚强嘅人，佢可以克服呢个难关，我哋会等佢。」