飞燕诺重夺荷甲冠军 光头主帅过英超执教？

xcy232323

       


        周日(14日)荷甲赛事话题多多，飞燕诺主场3比0大胜伊高斯後，领先次席燕豪芬8分下，提前2轮赢得荷甲冠军。今次系飞燕诺史上第16次称霸荷甲，亦系自2016/17球季後首度封王。
        飞燕诺教练施洛上任2季即带领球队夺冠，被视为球队最大功臣，佢赛後表示：「6年前我喺睡房睇住飞燕诺捧盃，心谂如果我都可以尝试到，会系世上最美妙嘅事，到依家真系做到，我仲系觉得好唔真实，我需要时间冷静下。」据英国传媒报道，施洛系热刺新帅目标人选之一，下季有机会去英超搵食。
        衞冕失败嘅阿积士，同日作客已降班嘅格罗宁根就未能完成比赛，据报主队球迷因为不满球队今季成绩，比赛早段就不断向场内投掷烟雾弹，而且迟迟未能平息混乱，最终球证决定腰斩赛事。