安察洛堤排阵惹争议 坚称唔会被炒鱿

xcy232323

       


        皇家马德里喺欧联4强惨败出局，西甲同欧联都衞冕失败，今季只系得1个西盃冠军，一直有传皇马夏天考虑换帅，亦有传安察洛堤会转教巴西国家队，不过对曼城赛後，安察洛堤就强调：「我下季会继续带皇马挑战欧联！」
        安察洛堤赛後被问到去留问题，呢位63岁意大利名帅表示：「下一季，我会继续喺皇马挑战欧联，冇一个人对我有质疑，我谂会长(皮里兹)喺2个星期前已经讲得好清楚，但我同佢嘅谈话唔会喺呢度公开。」安察洛堤同皇马合约去到2024年夏天完结。
        不过，安察洛堤今场排阵亦引起争议，首回合成功冻结艾宁夏兰特嘅鲁迪格，今仗被贬为後备，曼联名宿里奥费迪南质疑：「我唔明安察洛堤嘅决定，首回合之後我谂，我哋系咪终於搵到一个後衞可以冻结艾宁夏兰特？当然安察洛堤更加信任艾达米列达奥，但呢个系重大决定，点可能收起一个首回合踢得咁好嘅人？」