国米、罗马、费伦 意甲有望垄断欧洲3大盃

xcy232323

       

        意甲球队今季喺欧洲赛成绩突出，随住欧联、欧霸盃同欧协联3大盃赛决赛出炉，意甲成为唯一一个有机会垄断欧洲3大冠军嘅联赛。对上一次有3支意甲球队分跻身欧洲3大盃决赛，已经要数到1990年，当年3个冠军全悉数落喺意甲球队手中。
        随住国际米兰杀入欧联决赛，将会同曼城争霸，周五(19日)凌晨罗马同费伦天拿，亦分别进身欧霸同欧协联决赛。意甲上一次咁威水已经系1990年，当年AC米兰喺欧冠盃(欧联前身)决赛击败宾菲加捧盃，森多利亚就喺欧洲盃赛冠军盃决赛赢安德列治夺冠，而祖云达斯就喺欧洲足协盃(欧霸盃前身)力压费伦天拿封王。有趣嘅系，当年意甲联赛冠军亦系拿玻里。