车路士唔收手！2,000万欧元签16岁新星

xcy232323

       


        车路士自美国班主保利上场後，近2个转会窗疯狂买人，虽然球队有人满之患，不过佢哋并冇打算收手，近日再落实用总值2,000万欧元(约1.69亿港元)，收购厄瓜多尔16岁新星简迪柏尔斯，但要等到2025年18岁生日後先可以正式加盟。
        16岁嘅简迪柏尔斯被誉为南美洲最具潜力新星，据报曼联、多蒙特上年底曾经开价收购被拒，不过车路士出到总值2,000万欧元嘅转会方案，就成功令迪华利独立队放人。迪华利独立队总监证实：「简迪柏尔斯会喺2025年成为车路士球员，我哋收到曼联同多蒙特斟介，但车路士嘅收购系最有诚意。」
        据转会权威记者Romano报道，简迪柏尔斯同车路士已经签署长期合约，而2,000万欧元转会费当中，大部份都系根据上阵时间同表现而定嘅浮动条款，意味呢次转会唔会为车路士财政带嚟即时压力。