夏兰特大丰收 双料金靴平C朗纪录

xcy232323

       


        曼城前锋艾宁夏兰特喺欧联决赛表现淡静，全场只得上半场一次射门被挡出，不过决赛「食白果」无阻呢位挪威前锋有个大丰收球季。艾宁夏兰特喺英超、欧联同时夺冠兼做「双料神射手」，加埋英格兰足球先生奖，英格兰足球史上只有C朗拿度做过，艾宁夏兰特系第2人！
        22岁嘅艾宁夏兰特今季首踢英超，即帮曼城实现「3冠王」伟业，喺英超以36球成为神射手後，今届欧联亦以12个入波，力压穆罕默德沙拿(8球)成为金靴奖得主。能够赢晒英超、欧联「双冠」+「双料金靴」+「英格兰足球先生」，历史上只有2007/08球季嘅C朗拿度做过。
        艾宁夏兰特赛後表示：「喺我最疯狂嘅梦入面，都唔会谂到22岁嘅我可以实现呢个成就，一个嚟自挪威小镇嘅人都做得到......我谂经过几日沉淀之後，我肯定会希望再有呢种捧盃嘅感觉，因为呢个系我思考方式。我哋要做嘅系扞卫依家嘅冠军，2、3个月後冇人会记得今日嘅成就，人生就系咁样！」