拿朴迪大婚 得2个曼城队友到贺

xcy232323

       


        曼城上季完成3冠王壮举，西班牙中坚拿朴迪周六(24日)又有喜讯，佢同多年女伴Sara Botello喺西班牙拉埋天窗，不过今次盛大婚礼，只有艾宁夏兰特同洛迪卡斯简迪2个曼城队出席，有传拿朴迪将会喺今个夏天离开曼城。
        现年29岁嘅拿朴迪，喺效力毕尔包嘅日子已经同Sara Botello拍拖，今次婚礼宴请唔少亲朋好友，包括艾宁夏兰特同女友Isabel，西班牙球星洛迪卡斯简迪同蒙尼恩等等，不过有球迷就对咁少曼城球员出席感到惊讶，尤其奇云迪布尼、根度简、尼敦阿基等最近都喺西班牙度假。
        已效力曼城5年嘅拿朴迪，上季喺球队未受重用，只系踢过12场英超联赛，有传佢今个夏天将会离队，热刺同巴塞隆拿都对佢有兴趣。